آخرین مطالب
امکانات وب
آرتُق دَیل
زندگانلُق افسانه دِئر، خواب و خیال آرتُق دَیل
غَم و غُصه، گرفتارلُق بیر آه و نال آرتُق دَیل
علم و دانش اَلَه گَترمَگ ائیچین زَحمت چَکمَگ
عاقِبَتِه نام نیکدیر ، نچه مثال آرتُق دَیل
بو دنیانونگ آوازَسِه، اسم و رسمِ، شهرتِ ی
وخو فایدا، قوملاق یئره سو تئگمگدئر، آرتُق دَیل
عاشق اگر جاندان گَچسَه، هم مال و ایماندان گَچسَه
فرهادکیمین داغو یونسا،آخورو بیر لحظه وصل آرتُق دیل
یارونگ حسن وصالوندان ، فراقوندان، کمالوندان
هر نَه یازساننگ جمالوندان، بیر خط و خال آرتُق دیل
بیر قراغدا یِمَگ یاتماگ ،إئوزینگ خساسته وورماگ
چِرَگ اولماز سَنَ یولداش، إئوزینگ إولدئرمَگ آرتق دیل
إیشلَتمِیَنگ یِغدِیگنگه، قویانگ تا سندن ارث قالا
بئلَه روزیدان سود إئدمَگ، گوررنگ شانس و فال آرتُق دَیل
مال کُپ إئدسَنگ قارون کیمین، زرق و برقدَن قصر قایُورانگ
یِغدِگنگنن فیض آپارماگ، بیر احتمال آرتُق دَیل
بیر قوردودو قویونودو، بودا بئله اویونودو
بو دُنیا با گَلِب گِدمَگ، دَ شور و حال آرتُق دَیل
اویان بهی بو غفلتدن، عبرت دوت چَرخ ِ گَردوندان
مِی إیچ، شاد إئد غَملِه گوینِی، عمر دُرد گیندیر، بیل! آرتُق دَیل
سَن خوبلوگ کوک آت دَریاها ، پِسِ گُذار ائد آلاها
عبادت اِیلا تارونگو ، دنیا بیر شیطان آرتُق دَیل
نَه بولموشانگ بو یازماگدان؟ اَل چَک قشقایی وصلِفندَن
بو قومنان سَن هَر نَه یازسانگ، اودا وصفِ حال آرتُق دَیل
برچسب : نویسنده : qashqaei-behi بازدید : 179