ددیم ائورگیم قان دور, بسکه چکیب انتظار
ددی بیله حس و حال , عاشوق کیمسه لرده وار
ددیم هجرانونگ داشو , قریب صبریم کاسه سی
ددی چسب وفا وور , تا بیر مدت ساخلایار
ددیم سن آی ائوزینگی , مندن ایراغ ادیرنگ
ددی اگر خوب بیلنگ , آی گاه چالار گاه باتار
ددیم یارا بو عشقینگ , منی رسوا ادیب دیر
ددی عاشوق اولانلار , گاهی دا رسوا اولار
ددیم حاضرم سنه , قوربان ادم جانومو
ددی عاشوقلار اولیر , معشوقونا جان نثار
ددیم چوخ ايشیدمیشم , بو دونیادا وفا یوخ
ددی بیرگین عشق ويرن , بیر گین تیر جفا آتار
ددیم سنینگ هجرانونگ , کمان ايدمیش قامتیم
ددی هجران درمانو , بودور چکنگ انتظار
ددیم بس یول گئوزله دیم , گيدمیش گئوزیم قره سی
ددی تقدیر الّری , کور اولموش گئوزی آچار
ددیم ائورگیم آهو , دوتار سنینگ دامانونگ
ددی سنده ده یانی , بیله ظالم لوگ لار وار
ددیم گئیجه قرنگی , آی ائیوزینگی گیزلمه
ددی اگر صبر ائدنگ , صابا گینیمیز چالار
ددیم گئوزینگ شرابو , مست و خمار ادیب دیر
ددی سن چوخ ائیچمیشنگ , اولموشانگ بی اختیار
ددیم آی گوزل یاندوم , یاندوم سنینگ جورونگا
ددی گوناه یوخوم دور , پس اولموشام شرمسار
ددیم منم بیر عاشوق , آدوم قیولموش هادی
ددی سندن یانان تر , عاشوق لارونگ آدو وار
*ارتباط قشقایی ها با آزربایجان*...برچسب : نویسنده : qashqaei-behi بازدید : 153