منیم سوزیم بودور: "هِچ ائیشینگ اولمازلوگ یوخو"

منیم سوزیم بودور: "هِچ ائیشینگ اولمازلوگ یوخو"

سالام دوسلار

دوندَرَن آیونوننگ اَوَّلکی گینی سیز عزیز یولداشلارا گوزل گین اولسون. بیرسوز

واروم که سَدیم سیز عزیز یولداشلاردا بیلَنگیز:

بوگینکی گینده گورگ گچن گینلَریمیزدَن اَل چَکَگ.گلینگ دئمیگ فرهنگیمیز،

دیلیمیز، رسمیمیز، اونولموش لایلانموش.حتماً ائوز یانونگیزدان دئرَنگیز بیه بئلَه

 سوز اولار؟ نیه دئمیسیگ؟ پَس نیج اولموش؟؟ و چوخ بئله صُحبتلَردَن....

آنجاق مَنیم بیر بیتین سوز واروم.اُو زامانکی بیزلَر بو فیکرینَن ، بو عگیدَینَن

سوزلَریمیزی، رویاموزو، یِنگی دونیایا گَلَن اینسانلاروموزا یئتردَگ اونلارو گَلَجَک

دونیالاروندان (دونیای آینده)، هامو ذوقلاروندان ، ایمیدلاروندان قشقایینونگ

بیتین قالماقونا (استواری) نا ایمید ایلایوراگ. بوردا؛ بیر باوَر دیزَلَر که داهو

هیشنَه بو قومنان قالماموش، داهو اولموشاگ بیر قالان سو، داهو بهمن بیگی

تک کیشی یوخوموز که جوجوخلاروموزا یول ائورگَدَه، داهو فرود تک هنرمند

یوخوموز تا غملی ائرَکلاروموزا صفا وئره.....هر چند که فقط گوزلَریمیزی

باغلاموشاگ وارلوقلاروموزا باخمیراگ ائوزیمیزی ایتیرمیشَگ فقط یوخسوزلوق

لاروموزا گئوز اَیِندیریراگ گورَگ گئوز یویاگ آیروی گئوزینَن باخاگ ، گئورگ

یاخچویو پیسدَن آیوراگ گئورگ یاخچو یاخچو گلَن گینلَردَن جوجوخلاروموزا

دئیاگ، وارلوقوموزدان دئیاگ گَچن گینلَری اونوداگ اونلاردان درس عبرت دوتاگ؛

جوجوغیکی (اوشاقوکی) یئنگی ایستایور ایاغ ایسته دورا چوخدان چوخ یئره

دَگَر امّا هِی اَل آتار یول تاپار. بیزلار گئورگ اونلاردان الگو دوتاگ.

گلینگبیر اولاگ اَل بیر بیر بئلینه سالاگ، بیر بیرَه دایاق اولاگ قشقاییو یئنگیدَن

قایوراگ نَه کِه فقط دانوشاگ، ائیش گورَگ .

به بو امید که گوینیمیز سَدیگی قشقاییو قایوراگ هامو عزیز قارداش باجولارو

تارویا تاپشیریرام. اگر سوزلَریمدَه ایرا وارودو ائوز بویوک لیگینگیزه باغوشلایونگ.

گوینِنَن وارو سیزلارو چوخ ایستَیَن، بَندَنگیز- محمد هادی ناموربهی